Aangesien ek Meisie Dixon se Sousbone resep met julle gedeel het, plaas ek graag ons dogter, Sinè Swanepoel, se ode wat sy aan Meisie opgedra het met haar afsterwe.
Ode
aan Meisie Dixon
(Al is ek net haar kleinniggie, was sy ‘n ouma vir my. Sinè
Swanepoel)
Sop en vetkoek op ‘n
Vrydag
Sousbone-geur in April
Koffie-tjops in
Desember
… was my ouma se treat
vir ons.
Marmite altyd daar vir
my midnight snack
‘n Ekstra hoenderboudjie
na ‘n dag by die see
‘n sigaret of twee,
want ek het alweer myne vergeet
… was my ouma se treat
aan my.
Kondensmelk-koffie
Vars gebakte brood se
korsie
Nog ‘n wiskey
… was my ouma se reël
vir vakansies.
‘n Snoekbraai ‘n jaar
Met; “Wie het my
patat gesteel”
‘n toast broodjie wat
nooit geëet word nie
… was ouma se vakasie
vir die jaar.
Die weggesteekte
koekie-blik
Wat altyd op my skoot
beland
Met ‘n glas vars
volroom melk
… en ‘n smile van “Dis
ons geheim”.
My ouma was ‘n goeie
mens
Maar moeilik om te
verstaan
Maar altyd met nog ‘n
plekkie
… Vir ‘n liefie in haar
hart.
My ouma kan nie daar
wees vir my troue nie
Maar sy weet, at last,
is ek op die regte pad
Sy weet ek is gelukkig
… En dit is wat sy sou
hê.
Ek is lief vir ouma
Nou en vir altyd
En ek is happy dat sy
nou in
… Rus en vrede kan bly.
Sondag, 4 Maart 2012
No comments:
Post a Comment